Velkomin á vefsíðu Orator

Orator, félag laganema við Háskóla Íslands er elsta og stærsta nemendafélag háskólasamfélagsins.
Félagið státar sig af frábæru félagslífi og öflugu fræðastarfi.

Nýjustu fréttir

Árshátíð Fredagsbarsins

Kæru laganemar.


Föstudaginn 6. mars er komið að viðburðinum sem allir hafa beðið í ofvæni eftir, árshátíð Fredagsbarsins. Árshátíð Fredagsbarsins hefur í gegnum tíðina verið einn af aðal viðburðum skólaársins og eitthvað sem enginn ætti að lá...

Lesa meira

Málþing - Hversu langt nær ábyrgð heilbrigðisstarfsfólks?

Föstudaginn 6. mars nk. kl. 12-13:30 í stofu HT-102 efna Lýðheilsufélag læknanema og Orator, félag laganema við Háskóla Íslands, til sameiginlegs málþings um ábyrgð heilbrigðisstarfsfólks í starfi. Umfjöllunarefni málþingsins verður hversu langt...

Lesa meira

Skattadagur

Kæru laganemar

Laugardaginn 14. mars n.k. mun Lögfræðiaðstoð Orators, í samstarfi við Deloitte, blása til hins árlega skattadags Orators. Á skattadeginum bjóðum við einstaklingum að koma til okkar í Háskólann frá kl. 12-18 og aðstoða þá við gerð ...

Lesa meira

Viðburðir

  • Árshátíð Fredagsbarsins

    Fredagsbarnum

  • Föstudaginn 6. mars er komið að viðburðinum sem allir hafa beðið í ofvæni eftir, árshátíð Fredagsbarsins. Árshátíð Fredagsbarsins hefur í gegnum tíðina verið einn af aðal viðburðum skólaársins og eitthvað sem enginn ætti að láta framhjá sér fara. Flestir telja að árshátíðin sé líklega ein af veglegustu árshátíðum lagadeildar.

    Dagskráin er ekki af verri endanum:

    Klukkan 16 hefst pílumót niðri í Fredags. Sigurvegari mótsins fær að verðlaunum gullnu píluna, sem er eins og flestir laganemar vita 28 karata farandpíla úr skíragulli. Skráning í mótið fer fram á staðnum. Sótsvart iðnaðarkaffi og nammi verður á boðstólnum. Þá verður bjór í boði Orator á svæðinu og rétt eins og um gullnu píluna er um Gull að ræða.

    Um 8 leitið færum við okkur yfir á Ríó Sport Bar á Hverfisgötu þar sem árshátíðargestir sölsa undir sig VIP herbergið og láta fara vel um sig. Þar verður bjórkútur og pizza á staðnum fyrir skraufþurra og þyrsta laganema. Heiðursgesturinn Jóhann Skúli Jónsson, fyrrverandi framkvæmdarstjóri Fredags, heiðrar okkur með nærveru sinni og flytur stutta tölu.

    Færri komust að en vildu í fyrra og fjöldinn sem kemst að er takmarkaður. Verið því viðbúin kl. 18:00 í dag, miðvikudaginn 4. mars, til að skrá ykkur. Opinbert myllumerki árshátíðarinnar er #fredags2015.

  • Skrá mig

    Mán
    Þri
    Mið
    Fim
    Fös
    Lau
    Sun

Starfsemi

Upprifjunarnámskeið

Upprifjunarnámskeið Orators eru námskeið sem haldin eru stuttu fyrir próf af laganemum og lögfræðingum sem hafa nýlega lokið námskeiðunum sjálfir. Allir kennarar okkar hafa staðið sig vel í námskeiðinu sem þeir kenna og hafa margir þeirra einnig kennt umræðutíma í því. Orator heldur upprifjunarnámskeið í öllum námskeiðum BA-námsins. Námskeiðin hafa það að markmiði að undirbúa nemendur undir prófin en fyrirkomulagið verður í formi fyrirlestra og yfirferðar á gömlum prófum.

Námskeiðin verða tveir dagar og fimm tímar í senn nema almenn lögfræði sem verða fjórir dagar og kennsla í fimm tíma á hverjum degi.

Skráning: Skráning stendur yfir alveg fram að námskeiði og fer fram með því að senda tölvupóst á [email protected] Kröfur munu birtast á heimabanka viðkomandi með eindaga eftir áramót. Ekkert stress.

Skrá mig

Ágóði námskeiða fer í kennara- og kennslustofukostnað en allt umfram það til Orator, þ.e. beint aftur í félagslífið!

Verðskrá

Upprifjunarnámskeið Orators á facebook

Lögfræðiaðstoð Orators

Orator veitir almenningi endugjaldslausa lögfræðiaðstoð í síma 551-1012 á fimmtudagskvöldum kl. 19.30 - 22.00. Starfsemin hefst í september ár hvert og stendur fram í miðjan apríl, að undanskyldum desembermánuði þar sem laganemar þreyta próf við deildina á þeim tíma.

Lögfræðiaðstoðin hefur verið starfrækt um árabil og meðal annars hlotið Samfélagsverðlaun Fréttablaðsins. Nemendur í meistaranámi við lagadeild Háskóla Íslands undir umsjón starfandi lögmanna sjá um að veita aðstoð og svör við fyrirspurnum.

Framkvæmdastjórar lögfræðiaðstoðarinnar eru Aron Freyr Jóhannsson og Birgitta Arngrímsdóttir.

Lögfræðiaðstoð Orators á facebook

Atvinnunefnd Orators

Atvinnunefnd Orators sér um að skipuleggja starfsnám fyrir laganema við Háskóla Íslands.  Markmið nefndarinnar er að koma laganemum við lagadeild Háskóla Íslands í samband við stofnanir og lögfræðistofur varðandi lögfræðitengd störf og stuðla að því að þeir geti öðlast starfsreynslu með fram námi.

Framkvæmdastjórar atvinnunefndar eru Hildur Hjörvar og Inga Valgerður Stefánsdóttir.

Atvinnunefnd Orators á facebook Tölvupóstur atvinnunefndar

Úlfljótur

Úlfljótur, tímarit laganema, hefur verið gefið út lengst allra tímarita við Háskóla Íslands. Fyrsta tölublað þess leit dagsins ljós í lok febrúarmánaðar árið 1947. Frá þeim tíma hefur tímaritið verið gefið út á hverju ári, að undanskildu árinu 1951, og orðið efnismeira með hverju árinu sem líður.

Um árabil hefur Úlfljótur rekið bóksölu í kjallara Lögbergs, rekstur bóksölunnar hófst árið 1987 og hefur haldið áfram óslitið síðan þá. Framkvæmdastjórar Úlfljóts fara með stjórn bóksölunnar, venju samkvæmt. Bóksalan býður nú upp á rúmlega 150 rit er varða lögfræði, en úrvalið hefur aukist jafnt og þétt undanfarin ár.

Meginmarkmið bóksölunnar er annars vegar lægra vöruverð en gengur og gerist hjá öðrum bóksölum og hins vegar traust þjónusta í þágu laganema. 

Bóksala Úlfljóts er staðsett í kjallara Lögbergs, Háskóla Íslands.

Framkvæmdastjórar Úlfljóts eru Hilmar Kristjánsson og Edda Bergsveinsdóttir.

Heimasíða Úlfljóts Úlfljótur á facebook Tölvupóstur Úlfljóts

Um Orator

Stjórn

Klara Óðinsdóttir

Formaður

Áslaug Björk Ingólfsdóttir

Varaformaður

Ingólfur Urban Þórsson

Gjaldkeri

Þorvaldur Hauksson

Ritstjóri Úlfljóts

Linda Ramdani

Funda- og menningarmálastjóri

Baldvin Hugi Gíslason

Skemmtanastjóri

Leifur Gunnarsson

Alþjóðaritari

Styrktaraðilar