Alþjóðasamstarf

Orator tekur þátt í tvenns konar alþjóðasamstarfi. Annars vegar með tíu lagadeildum á Norðurlöndum og hins vegar Ohio Northern University í Bandaríkjunum.

Norrænt samstarf

Samstarf Orators við Norðurlöndin hófst á fjórða áratugi síðustu aldar, en þátttaka Orators í Norræna Alþjóðaritararáðinu, núverandi samstarfsvettavangur norrænna lagadeilda, hófst 1991. Hefur ráðið það að megin markmiði að sjá um stúdentaskipti á Norðurlöndum. Nemendafélög tíu lagadeilda taka þátt í alþjóðaritararáðinu: Osló og Bergen í Noregi, Stokkhólmur, Árósir í Danmörku, Codex og Pykälä í Helsinki, Lex í Turku, Justus í Vaasa og Artikla í Rovaniemi, allar í Finnlandi, og svo að sjálfsögðu við í Orator. Heldur hvert nemendafélag svokallaða ,,Norræna viku’’ á ákveðnum tíma árs sem er í kringum árshátíð nemendafélagsins. T.d. heldur Orator alltaf sína norrænu viku í kringum 16. febrúar og Stokkhólmur alltaf síðustu vikuna í Nóvember. Á þessum vikum eru lögmannsstofur heimsóttar, farið á athyglisverða fyrirlestra, viðkomandi borgir skoðaðar, stórglæsilegar veislur haldnar og er ölið sjaldan langt frá hendi.

Facebook síða Norræna Alþjóðaritararáðsins: https://www.facebook.com/NordiskaSekretariatet

Instagramsíða alþjóðasamstarfs Orators: https://www.instagram.com/orator.international/

Samstarf við Ohio Northern University

Orator hefur einnig verið í samstarfi við Ohio Northern University í Ada, Ohio síðan 1961. Fara laganemar í Orator til Ohio í lok október þar sem þeir kynnast háskólalífi í Bandaríkjunum og réttarkerfinu þar í landi, og að sjálfsögðu er haldið upp á Hrekkjavöku. Síðan er farið til höfuðborgarinnar Washington D.C. og er hæstiréttur Bandaríkjana m.a. heimsóttur þar sem hinn eini sanni Justice Scalia hefur verið mjög gestrisinn við laganema undanfarin ár.